САРЫАҒАШ АУДАНЫ ӘКІМДІГІНІҢ РЕСМИ САЙТЫ

Жібек жолы ауылдық округі әкімі аппаратында сыбайлас жемқорлық тәуекелдеріне ішкі талдау жүргізу нәтижелері бойынша талдамалық АНЫҚТАМА

Сарыағаш қаласы                                                    «__»______2019 жыл

         Сарыағаш ауданы әкімінің 06.11.2019 жылғы №93 «Жібек жолы ауылдық округі әкімі аппараты қызметінің сыбайлас жемқорлық тәуекелдеріне ішкі талдау жүргізу туралы» шешімі негізінде құрылған жұмысшы топ Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының 19.10.2016 жылғы №12 «Сыбайлас жемқорлық тәуекелдеріне ішкі талдау жүргізудің үлгілік қағидаларын бекіту туралы» бұйрығына сәйкес Жібек жолы ауылдық округі әкімі аппаратының             (бұдан әрі – Аппарат) қызметінде сыбайлас жемқорлық тәуекелдеріне ішкі талдау жүргізді.

         Аппараттың мемлекеттік қызметшілерінің штат саны 2019 жылдың                  11 қарашасына – 14 бірлікті, келісім шарт негізінде қабылданатын штат бірліктерінің саны – 9 бірлікті құрайды. Бос тұрған лауазым жоқ.

Аппарат қызметінің сыбайлас жемқорлық тәуекелдеріне ішкі талдау жүргізу кезеңі 2018 жылдың ІV тоқсаны мен 2019 жылдың І, ІІ, III тоқсаны аралығын қамтиды.

Сыбайлас жемқорлық тәуекелдеріне ішкі талдау кезеңінде Жібек жолы ауылдық округінің әкімі (бұдан әрі – ауылдық округ әкімі)  Т.Азимбердиевтің 08.01.2019 жылғы №05 өкімімен Джакаев Ермахан Абдукахарович 08.01.2019 жылдан бастап, аппараттың келісім-шарт негізіндегі статист қызметінен босатылған.

Аудан әкімдігінің 13.05.2019 жылғы №190 қаулысымен аппаратқа 1 штат бірлік келісім-шарт негізіндегі статистик берілген.

Ауылдық округ әкімінің 23.05.2019 жылғы №27 өкімімен Джакаев Ермахан Абдукахарович 23.05.2019 жылдан бастап аппараттың келісім-шарт негізіндегі статистик қызметіне қабылданған.

Алайда, «Халықты жұмыспен қамту туралы» Қазақстан Республикасы Заңының 28 бабының 2 тармағының 1) тармақшасына сәйкес, мемлекеттік қызметшілердің, мемлекеттік сайланбалы қызметтердің, Парламент және мәслихаттар депутаттарының, Қазақстан Республикасы судьяларының, әскери қызметте тұрған адамдардың, арнаулы мемлекеттік, құқық қорғау органдары мен мемлекеттік фельдъегерлік қызмет қызметкерлерінің, Қазақстан Республикасы Ұлттық Банкі және оның ведомстволары жұмыскерлерінің бос лауазымдарын қоспағанда, бос жұмыс орындарының (бос лауазымдардың) бар екендігі туралы мәліметтерді еңбек жағдайлары мен төлемақысын көрсете отырып, олар пайда болған күннен бастап бес жұмыс күнi iшiнде халықты жұмыспен қамту орталығына жазбаша түрде немесе «Еңбек биржасы» мемлекеттік интернет-ресурсы арқылы жiберуге міндетті делінген талабы сақталынбаған. Бос жұмыс орындарының (бос лауазымдардың) бар екендігі туралы мәліметтерді еңбек жағдайлары мен төлемақысын көрсете отырып, олар пайда болған күннен бастап емес, бос жұмыс орны пайда болғаннан кейін, 4 күнге кешіктіріп  жұмыспен қамту орталығына жіберілген.

Ауылдық округ әкімінің 01.02.2019 жылғы №05 өкімімен аппараттың мемлекеттік әкімшілік қызметшілерінің жыл сайынғы ақылы еңбек демалысын берудің кезекшілік кестесі (бұдан әрі – Кесте) бекітілген.

«Қазақстан Республикасының мемлекеттік қызметі туралы» Қазақстан Республикасының Заңының 54-бабы 1 тармағында жыл сайынғы еңбек демалысына ақы төлеу оның басталуына күнтізбелік үш күн қалғаннан кешіктірілмей, ал еңбек демалысы графиктен тыс берілген жағдайда – берілген күнінен бастап күнтізбелік үш күннен кешіктірілмей жүргізілетіні көрсетілген. Алайда, аппарат қызметкерлерінің еңбек демалысына ақы төлеу Заң талаптарына сәйкес жүргізілмеген. Атап айтқанда, кестеден тыс ауылдық округ әкімінің 19.08.2019 жылғы №63 өкімімен аппараттың инфрақұрылым мәселелері, тұрғын үй-коммуналдық шаруашылық мемлекеттік меншік бойынша жетекші маманы Н.Ашимовқа 19.08.2019 жылдан бастап жыл сайынғы ақы төленетін еңбек демалысы берілгеніне қарамастан, 14.10.2019 жылы 52 күнтізбелік күнге кешіктіріліп еңбек демалысына ақы төленген. Дәл осы тектес Заң бұзушылықтар ауылдық округ әкімінің орынбасары А.Амирхановтың, аппараттың бас маман заңгері О.Бижановтың, аппараттың жастар ісі бойынша бас маманы А.Дуйсенбаевтың, аппараттың ауыл шаруашылығы жөніндегі бас маманы Б.Кабилбековтың жыл сайынғы ақы төленетін еңбек демалысына ақы төлеуде орын алған.

Облыс әкімдігінің 03.08.2018 жылғы №226 қаулысымен бекітілген Түркістан облысындағы Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі 2018-2020 жылдарға арналған іс-шаралар жоспарын іске асыру мақсатында аудан әкімдігінің 25.09.2018 жылғы №407 қаулысымен Сарыағаш ауданында жүзеге асыру жөнінде 2018-2020 жылдары атқарылуға тиіс аудан әкімдігінің іс-шаралар жоспары (әрі қарай – іс-шара жоспары) бекітілген.

         Іс-шара жоспары негізінен профилактикалық жұмыстардан  (конференция, дөңгелек үстел, семинар кеңес, брифингтер, акция, қоғамдық тыңдау, бұқаралық ақпарат құралдарында сөз сөйлеу, мақала жариялау) тұрады.

         Іс-шара жоспарының Аппаратқа қатысты бөлігін орындау үшін іс-шаралар жоспары ауылдық округ әкімінің шешімімен бекітілген.

          2015-2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі 2018-2020 жылдарға арналған іс-шаралар жоспарын Сарыағаш ауданында  жоспардың орындалуы бойынша мәліметтер жинақталған.  Сыбайлас жемқорлықтың алдын алу жөнінде бұқаралық ақпарат құралдарына ауылдық округ әкімінің мақаласы жарияланған. Аудан әкімдігі жанындағы сыбайлас жемқорлық қарсы іс-қимыл комиссиясының тоқсандық отырыстарында берілген хаттамалық тапсырмаларының орындалуы жөніндегі мәліметтер жинақталған.

         Іс-шараға сай сыбайлас жемқорлық құқық бұзушылыққа төзбеушілікті қалыптастыру мақсатында «сенім» телефондары бұқаралық ақпарат құралдарында жарияланған.

Аппаратқа келіп түскен арыздарға талдау жүргізу барысында төмендегі кемшіліктер анықталды. Атап айтқанда:

Жеке және заңды тұлғалардың өтiнiштерiн объективтi, жан-жақты әрi уақтылы, қажет болған жағдайда олардың қатысуымен қарауды қамтамасыз етедi және арыз берушiлердi олардың өтiнiштерiн қарау нәтижелерi мен қабылданған шаралар туралы хабарлауы қажет делінген.

Алайда, аппараттың мемлекеттік қызметкерлері заңның талаптарын орындамай  14.01.2019 ж №ЗТ-С-07, 05.02.2019 ж  №ЖТ-А-22, 26.02.2019 ж №ЖТ-С-37, 12.03.2019 ж №ЖТ-Е-49 өтініш иелеріне осы күнге дейін мүлдем жауап бермеген.

Қазақстан Республикасының жеке және заңды тұлғалардың өтініштерін қарау тәртібі туралы Заңының 10-бап 1- тармағында көрсетілген    өтiнiштерге берiлетiн жауаптар Қазақстан Республикасының заңнамасына сiлтеме жасай отырып, мазмұны бойынша негiзделген және дәлелдi, мемлекеттiк тiлде немесе өтiнiш берiлген тiлде болуға, арыз берушiнiң қабылданған шешiмге шағым жасау құқықтарын түсiндiре отырып, оның дәлелiн жоққа шығаратын немесе растайтын нақты деректердi қамтуға тиiс. 

Дегенмен, аппаратқа тіркелген 11.01.2019 ж №ЗТ-Т-06, 18.03.2019 ж №ЖТ-М-61, 30.04.2019 ж №ЖТ-А-83, 30.04.2019 ж №ЖТ-А-85, 23.05.2019 ж №ЖТ-Б-92, 03.06.2019 ж №ҰҚ-102, 12.06.2019 ж №ЖТ-Қ-106, 13.06.2019 ж №ЖТ-С-108, 12.08.2019 ж № ЖТ-А-150, №ЖТ-С-151, №ЖТ-Б-152 өтініштері бойынша қабылданған шешiмге шағым жасау құқықтарын түсіндірмей жауап жолдаған және 11.07.2019 ж №ЖТ-С-87 Салибековтың өтініші бойынша өтініш берілген тілде жауап жолданбағаны анықталды.

Жеке және заңды тұлғалардың өтініштерін қарау тәртібі туралы Заңының 7 бабы, 2-тармақшасына сәйкес, «мемлекеттік көрсетілетін қызметтер туралы» Қазақстан Республикасы Заңының 4-бабы 1-тармағының 3) тармақшасында көзделген өтініштерді қоспағанда, жеке және заңды тұлғалардың мемлекеттік қызметтер көрсету мәселелері бойынша келіп түскен өтініштері есепке алуға жатпайтыны көрсетілген.

Алайда, аппараттың арыз – шағымдардың дұрыс тіркелуіне жауапты қызметкері 15.03.2019ж №ЖТ-С-57, 18.03.2019 ж, №ЖТ-С-58, №ЖТ-Т-59,  №ЖТ-Е-60 мемлекеттік қызметтер көрсету мәселелері бойынша келіп түскен өтінішті арыз-шағымдар тіркеу журналына есепке алған.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                   

Жеке және заңды тұлғалардың өтініштерінің жауаптарын заң талаптарына сәйкес 1 күн ішінде арыз-шағым жазған азаматқа пошта байланысы жолдану керек. Дегенмен, аппараттың жауапты қызметкерлері заң талаптарын сақтамаған.

Ауылдық округ әкімінің 2019 жылғы жеке құрам бойынша өкімдерінің сыбайлас жемқорлық тәуекелдеріне ішкі талдау жүргізу кезеңінде:

1. Ауылдық округ әкімінің 05.03.2019 жылғы №16 өкімімен Ходжамуратова Гульбахар Хамитовна Қазақстан Республикасының Еңбек кодексінің (бұдан әрі – Кодекс) 49 бабының 5 тармақшасына сай, жұмыстан босатылған.

Төмендегі заң талабы сақталмаған.

Аталған тармақшада, еңбек шартын тоқтату жұмыскердің бастамасы бойынша көзделген. Кодекстің 56 бабының 1 тармағында жұмыскердің бастамасы бойынша еңбек шартын бұзу талабы кемінде бір ай бұрын жазбаша хабарланатындығы көрсетілген.

Алайда, әкімнің жұмыстан босату туралы өкімінде жұмыскер тарапынан жұмыс берушіге бір ай бұрын ескерткені туралы жазбаша хабарламасы жоқ. Яғни, жұмыскер өз өтінішінде тек ағымдағы жылдың 05 наурызында тек сол мезгілде жұмыстан босатуды ғана сұраған болатын.

Демек, жұмыс беруші тарапынан аталған Кодекс талаптарына сәйкес емес заңдылық талабын негізге алып жұмыстан босату туралы өкім қабылдаған.

2. Ауылдық округ әкімінің 05.03.2019 жылғы №17 өкімімен Агабекова Гульзинат Бакировна келісім шарт негізінде қоғамдық жұмысқа қабылданған.

Кемшілік: «Сарыағаш ауданының жұмыспен қамту орталығы» мемлекеттік мекемесінің жолдамасы өкімге қоса тігілмеген. 

3. Ауылдық округ әкімінің 02.05.2019 жылғы №24 өкімімен Рахманов Ганижан Расулжанович Қазақстан Республикасының Еңбек кодексінің (бұдан әрі – Кодекс) 49 бабының 5 тармақшасына сай, жұмыстан босатылған.

Төмендегі заң талабы сақталмаған.

Аталған тармақшада, еңбек шартын тоқтату жұмыскердің бастамасы бойынша көзделген. Кодекстің 56 бабының 1 тармағында жұмыскердің бастамасы бойынша еңбек шартын бұзу талабы кемінде бір ай бұрын жазбаша хабарланатындығы көрсетілген.

Алайда, ауылдық округ әкімінің жұмыстан босату туралы өкімінде жұмыскер тарапынан жұмыс берушіге бір ай бұрын ескерткені туралы жазбаша хабарламасы жоқ. Яғни, жұмыскер өз өтінішінде тек ағымдағы жылдың 05 наурызында тек сол мезгілде жұмыстан босатуды ғана сұраған болатын.

Демек, жұмыс беруші тарапынан аталған Кодекс талаптарына сәйкес емес заңдылық талабын негізге алып жұмыстан босату туралы өкім қабылдаған.

4. Ауылдық округ әкімінің 13.05.2019 жылғы №26 өкімімен Марданбаева Ғалия Оразбекқызы келісім шарт негізінде жастар практикасынан өту үшін алты айлық мерзімге жұмысқа қабылданған.

Төмендегі заң талабы сақталмаған.

Аппараттың жауапты маманы жоғарыдағы өкімді дайындау барысында (2016 жылы жаңа Заңмен күші жойылған) Қазақстан Республикасының 2001 жылғы 23 қаңтардағы «Халықты жұмыспен қамту туралы» Заңын негізге алған. Яғни, үш жыл бұрын заңдық күшін жойған нормативтік актінің негізінде дайындалған өкімге ауыл әкімі қол қойып, қабылдаған.

Жоғарыда орын алған заң бұзушылықтар мен кемшіліктердің орын алуына аппараттың жауапты лауазымды тұлғаларының салғырттығынан және заң талаптарын білмеуінің салдарынан орын алған.

Ауылдық округ әкімінің 2019 жылғы шешімдерінің сыбайлас жемқорлық тәуекелдеріне ішкі талдау жүргізу кезеңінде:

1. Ауылдық округ әкімінің 05.04.2019 жылғы №15 «Мемлекеттік атаулы әлеуметтік көмек көрсету, учаскелік комиссия құрамын қайта бекіту туралы» шешімімен комиссия құрылған.       

Кемшілік: өкімге мүше ретінде енгізу үшін: Қайнар Даурен Ержанұлы (мал дәрігер), Давлетов Махамат Ибрагимуглы (ауыл тұрғыны), Полатбеков Айдархан Байтурсынович (ауыл тұрғыны), Делишев Нұржан Перенбаевич (қоғамдық кеңес мүшесі) тиісті келісімдерін шешімге қоса тіркемеген.

2. Ауылдық округ әкімінің 01.08.2019 жылғы №40 «Мемлекеттік атаулы әлеуметтік көмек көрсету, учаскелік комиссия құрамын қайта бекіту туралы» шешімімен комиссия құрылған.        

Кемшілік: өкімге мүше ретінде енгізу үшін: Қайнар Даурен Ержанұлы (мал дәрігер), Давлетов Махамат Ибрагимуглы (ауыл тұрғыны), Делишев Нұржан Перенбаевич (қоғамдық кеңес мүшесі) тиісті келісімдерін шешімге қоса тіркемеген.

3. «Жібек жолы ауылдық округ әкімінің аппараты» мемлекеттік мекемесі азамат Акимбаев Сабит Балтабаевичтің өтініші негізінде «Жібек жолы ауылдық округі әкімінің 24.03.1998 жылғы №36 шешіміне өзгеріс енгізу туралы» шешіміне Жібек жолы ауылдық округ әкімінің 26.09.2019 жылғы №55 шешімімен өзгеріс енгізілген.

Кемшілік: аталған шешімнің мәтіні, 1998 жылғы 24 наурыздағы шешімге енгізілген өзгеріс дұрыс емес нысанда жасалған.

Ауылдық округ әкімі аппараты мемлекеттік көрсетілетін қызметтердің – 7 түрін көрсетеді.

Қазақстан Республикасының «Мемлекеттік көрсетілетін қызметтер туралы» 2013 жылғы 15 сәуірдегі №88-V Заңының 5 бабы 2 тармағы 2 тармақшасына сәйкес мүмкіндігі шектеулі адамдардың мемлекеттік көрсетілетін қызметтерді алу үшін қажетті жағдайлар жасалған.

Қазақстан Республикасының «Мемлекеттік көрсетілетін қызметтер туралы» Заңының 5 бабының 2 тармағы 3 тармақшасына сәйкес мемлекеттік көрсететін қызмет стандарты мен тиісті ақпараттар ғимараттың көрінетін жерінде қолжетімді нысанда орналастырылған.

Қазақстан Республикасы Ұлттық экономика министріінің міндетін атқарушының 2015 жылғы 27 наурыздағы №272 бұйрығымен бекітілген «Жер учаскесінің нысаналы мақсатын өзгертуге шешім беру» мемлекеттік көрсетілетін қызмет стандартының (бұдан әрі – стандарт) 4 тармағының 1) тармақшасына сай, көрсетілетін қызметті берушіге, Мемлекеттік корпорацияға және порталға құжаттар топтамасы тапсырылған күннен бастап – күнтізбелік 30 (отыз) күнге дейін;

Мемлекеттік корпорацияға жүгінген кезде құжаттарды қабылдау күні мемлекеттік қызметті көрсету мерзіміне кірмейді, бұл ретте көрсетілетін қызметті беруші мемлекеттік қызметті көрсету нәтижесін Мемлекеттік корпорацияға мемлекеттік қызметті көрсету мерзімі аяқталғанға дейін бір күн бұрын береді делінген.

Ал құжаттарды ішінара қарау барысында өтініш тапсырған А.Салибекованың (22.07.2019ж.), Н.Сарсенбаевтың (24.06.2019 ж.), Т.Смайловтың (24.07.2019ж.) құжаттарында стандарттың 4-тармағында көрсетілген мерзімде қызмет нәтижесі ұсынылмаған. Яғни мерзімі бұзылып орындалған.

Сонымен қатар, жеке басын куәләндыратын құжат көшірмелері қоса тігілгені анықталып отыр.

         Жоғарыда көрсетілгендерге байланысты анықталған сыбайлас жемқорлық тәуекелдерін жою бойынша Аппаратқа мынадай ұсынымдар беріледі:

  1. Қызметшілерді жұмысқа қабылдау және босату кезінде Қазақстан Республикасы Еңбек кодексінің, «Қазақстан Республикасының мемлекеттік қызметі туралы» Қазақстан Республикасы Заңының, «Халықты жұмыспен қамту туралы» Қазақстан Республикасы Заңының талаптарын қатаң сақтау;
  2. Облыс әкімдігінің 03.08.2018 жылғы №226 қаулысымен бекітілген Түркістан облысындағы Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі 2018-2020 жылдарға арналған іс-шаралар жоспарын іске асыру мақсатында ауданда бекітілген іс-шаралар жоспарының орындалуын қатаң бақылауға алу;
  3. Аппаратта сыбайлас жемқорлыққа қарсы мәдениетті қалыптастыру жұмыстарын жандандыру;
  4. Жеке және заңды тұлғлалардың өтініштерін қарау кезінде «Жеке және заңды тұлғалардың өтініштерін қарау тәртібі туралы» Қазақстан Республикасы Заңы мен «Әкімшілік рәсімдер туралы» Қазақстан Республикасы Заңының талаптарын қатаң сақтау;
  5. Аппарат қызметшілері арасында жоғарыда көрсетілген заң бұзушылықтарды болдырмау мақсатында қосымша құқықтық оқуларды ұйымдастыру;
  6. Жұмыс барысында мемлекеттік көрсетілетін қызметтер стандарттары мен регламенттер қатаң басшылыққа алу;
  7. «Мемлекеттік көрсетілетін қызметтер туралы» Қазақстан Республикасының Заңының 3-бабында көрсетілген мемлекеттік қызметтер көрсетудің негізгі қағидаттарына сәйкес ЖОМ-мен ұсынылатын қызметтердің ашықтығын, қолжетімділігін және тиімділігін қамтамасыз ету;
  8. Мемлекеттік қызметтер көрсету сапасын бақылау қағидаларына сәйкес тоқсан сайын берілетін есепті, мәліметтерді сапалы ұсынылуын қамтамасыз ету;
  9. Кадр саласына, арыз-шағымдардың дұрыс тіркелуіне, орындалуына, сыбайлас жемқорлыққа қарсы стратегиясын іске асыру және көлеңкелі экономикаға қарсы іс-қимыл жөніндегі 2018-2020 жылдарға арналған іс-шаралар жоспарының орындалуына, функционалдық міндетіне мемлекеттік қызметтер көрсету кіретін жауапты тұлғалардың және жоғарыда аталған салаларға жетекшілік ететін ауылдық округ әкімі орынбасарының, ауылдық округ әкімінің тәртіптік жауапкершіліктерін қарау;
  10. Анықтамада берілген ұсыныстардың орындалуы жөніндегі мәліметтерді аудан әкімі аппараты персоналды басқару қызметі (кадр қызметі) бөлімшесіне 10 жұмыс күні ішінде жолдау.

Аудан әкімі

аппаратының басшысы,

жұмысшы топ жетекшісі                                               М.Досполов

Келісілді:

Аудан әкімі аппараты

жалпы және әкімшілік

бөлімшесінің бас инспекторы                                              Е.Жанысбеков

Аудан әкімі аппараты

ақпараттандыру және мемлекеттік

қызмет көрсету мониторингі

бөлімшесінің басшысы                                                                  Е.Мусаев

Аудан әкімі аппараты ұйымдастыру

бөлімшесінің басшысы                                                                  Ә.Жапбаров

Аудан әкімі аппараты

заң бөлімшесінің

бас маманы                                                                           Д.Кулумбетов

Аудан әкімі аппараты

персоналды басқару қызметі

(кадр қызметі) бөлімшесінің

бас инспекторы                                                                    Д.Турсункулов

Жібек жолы ауылдық округінің әкімі                                 Т.Азимбердиев